Logo

ब्रेक्जिट विषयमा जोनसनले आयरल्याण्डका प्रधानमन्त्रीसँग भेट्ने



आयरल्याण्ड, २६ साउन (एजेन्सी) । बेलायती प्रधानमन्त्री बोरिस जोनसन आयरल्याण्डका प्रधानमन्त्री लिओ वरदकारसँग युरोपेली युनियनबाट बेलायतको बहिर्गमनका विषयमा वार्ताका लागि निकट भविष्यमा डबलिन जाने भएका छन् ।

यद्यपि भ्रमणबारे छलफल चलिरहेको र दुवैतर्फबाट भ्रमणका एजेण्डामा गृहकार्य भइरहेको आयरल्याण्डको अर्ध सरकारी सञ्चारमाध्यम आरटीईले प्रधानमन्त्रीका प्रवक्ताद्वारा जारी विज्ञप्तिलाई उद्धृत गरी आइतबार बताएको छ ।

विज्ञप्तिमा भनिएको छ, “आयरल्याण्डका ताओइसिच (प्रधानमन्त्री)ले बेलायती प्रधानमन्त्रीलाई उत्तरी आयरल्याण्ड र ब्रेक्जिटबारे वार्ता गर्नेगरी डबलिनको भ्रमणका लागि निमन्त्रणा दिइसक्नुभएको छ । दुवै देशका प्रधानमन्त्री कार्यालयहरूबीच वार्तालाई आगामी केही हप्ताभित्र गर्न तिथि तय गर्न सम्पर्क भइरहेको छ ।”

वार्ता दुवैतर्फको अवस्थाबारे समझदारी बनाउने एक महत्वपूर्ण अवसर भएको विज्ञप्तिमा उल्लेख छ । यद्यपि आगामी भेटमा ब्रेक्जिट सहमति र ईयूले भनेजस्तो राजश्व कार्यालयलाई हटाउने कुनै समयसीमा नराख्ने विषय (ब्याकस्टप)मा भने कुराकानी हुनेछैन ।

बेलायती प्रधानमन्त्री जोनसनले ‘ब्याकस्टप’ का लागि ईयूको अडान नछोडिएसम्म कुनै पनि ईयू नेतालाई नभेट्ने भने पनि दुई हप्ता पहिले जोनसन र आयरल्याण्डका समकक्षीलाई वरदकरबीच दुई हप्ता पहिले फोनवार्ता भएको थियो । वार्तामा भेटबारे सहमति भएको बताइएको छ ।

प्रतिक्रिया दिनुहोस्