Logo

नेपालमा कोरोना संक्रमितको सङ्ख्या ५०७ पुग्यो



काठमाडौँ, ९ जेठ । स्वास्थ्य तथा जनसङ्ख्या मन्त्रालयले नेपालमा कोरोनाभाइरस पुष्टि हुने व्यक्तिको सङ्ख्या ५०७ पुगेको जनाएको छ। मन्त्रालयका प्रवक्ता डा. विकास देवकोटाले शुक्रबार दिउँसो थप २० जनामा संक्रमण पुष्टि भएसँगै संक्रमितकोब संख्या पाँच सय ७ पुगेको जानकारी दिए ।

डा. देवकोटाका अनुसार सेती प्रादेशिक कैलालीका २१, २३ र २६ वर्षीय पुरुषमा संक्रमण देखिएको हो । उनीहरु सरस्वती मावि क्वारेन्टाइनमा रहेका छन् । डडेल्धुराका २८ वर्षीय पुरुष, बैतडीका २२ वर्षीय पुरुष, बाँकेका १४ जना १८ देखि ६१ वर्षसम्मका पुरुष रहेका छन् । उनीहरुमध्ये १३ जना नरैनापुरका रहेका छन् । उनीहरुका भेरी अस्पतालमा परीक्षण गरिएको प्रवक्ता देवकोटाले जानकारी दिएका छन् । यसअघि शुक्रवार बिहान मन्त्रालयले ३० जनामा कोभिड-१९ पुष्टि भएको बताएको थियो। त्यस्तै, नेपालका ४० वटा जिल्लामा कोरोना फैलिसकेको छ ।

सुसील कोइराला प्रखर अस्पताल, नेपालगञ्जबाट आज २१ जना कोरोना संक्रमित डिस्चार्ज भएका छन् । जसमा महिला ९ जना पुरुष १२ डिस्चार्ज भएका छन् । उनीहरु १ वर्षदेखि ६० वर्षसम्मका रहेका प्रवक्ता देवकोटाले जनाएका छन् । उनीहरु १७ देखि २० दिनपछि डिस्चार्ज भएका हुन् । यससँगै ७० जना कोरोना संक्रमित निको भएर डिस्चार्ज भइसकेका छन् ।

प्रतिक्रिया दिनुहोस्