Logo

बैवाहिक अंगीकृत नागरिकता दिने विषयमा सांसको मत बाँझियो



काठमाडौं, २६ भदौ । प्रतिनिधिसभा राज्यव्यवस्था तथा सुशासन समितिमा बैवाहिक अंगीकृत नागरिकता प्राप्तिको विषयमा सांसदहरुबीच मत बाँझीएको छ ।

छलफलमा रहेको नागरिकता ऐनलाई संशोधन गर्न वनेको विधेयक माथिको छलफलमा अधिकांश सांसदहरुले वैवाहिक अंगीकृतको नागरिकता प्राप्तिका लागि कम्तिमा ७ वर्षको समय राख्नु पर्नेमा जोड दिएका हुन् ।

वैवाहिक अंगीकृतको नागरिकता प्राप्त नगरेसम्मका लागि राजनीतिक अधिकार बाहेक सामाजिक, सांस्कृति तथा आर्थिक लगायत अन्य अधिकार प्राप्त गर्ने गरी वैवाहिक परिचयपत्र दिने व्यवस्था गर्नु पर्ने पनि सांसदहरुले बताए ।

यस्तै केही सांसदहरुले भने नागरिकता संम्बन्धी ऐन २०६३ मा रहेको अंगीकृत सम्बन्धी व्यवस्थामा संशोधन गर्नु पर्नाको कारण र ६ महिना पछी वैवाहिक अंगीकृत नागरिकता प्राप्त गर्ने भनेर ल्याएको प्रस्ताव वारे सरकारको धारणा माग गरेका छन् ।

समितिले छिटो गरी नागरिकता सम्बन्धी असहमतिका विषयमा सहमति जुटाएर सदनमा पेश गर्ने तयारी गरेको छ ।

प्रतिक्रिया दिनुहोस्