Logo

चिकित्सा शिक्षा आयोगको उपाध्यक्षका लागि ३ जनाको नाम सिफारिस



काठमाडौँ, ३१ साउन । राष्ट्रिय चिकित्सा शिक्षा आयोगको उपाध्यक्षका लागि तीन जनाको नाम सिफारिस भएको छ । साउन २९ गते बसेको चिकित्सा शिक्षा आयोगको उपाध्यक्ष नियुक्तिका लागि सिफारिस समितिले तीन जनाको अन्तिम नाम टुङ्गो लगाएको हो ।

जसमध्ये प्रा डा। सुरेन्द्र शेरचन, नम्बरमा प्रा डा. शम्भुकुमार पहारी र प्रा।डा श्रीकृष्ण गिरीको नाम छनोट भएको छ ।

सिफारिस गरेको नाम हिजै मन्त्रिपरिषद् लाने तयारी भए पनि प्रधानमन्त्रीको अस्वस्थताका कारणले मन्त्रिपरिषद् नबसेपछि नाम सिफारिस हुन सकेन ।

आज मन्त्रिपरिषद् बसेको खण्डमा ३ जना प्रा।डा।को नाम सिफारिस गरिने शिक्षा मन्त्रालयको भनाई छ । सिफारिस भएका ३ जनाको नाममध्ये प्रा।डा गिरीले दुवै पटकको विज्ञापनमा आवेदन दिएका थिए ।

राष्ट्रिय चिकित्साशिक्षा ऐन, २०७५ ले चिकित्साशिक्षा आयोगको कार्यकारी नेतृत्व उपाध्यक्षलाई दिएको छ । ऐनको दफा ५ बमोजिम गठन हुने आयोगमा पूरा समय आयोगको काम गर्ने कार्यकारी प्रमुखका रुपमा उपाध्यक्ष रहने व्यवस्था दफा २२ को उपदफा २ ले गरेको छ ।

पहिलो आवेदनमा विवाद भए पछि दोस्रो पटक साउन १ गते आवेदन खुलाइएको थियो । दोस्रो पटकको विज्ञापनमा ११ जनाले आवेदन दिएका थिए ।

प्रा।डा। श्रीकृष्ण गिरी, प्रा।डा। शम्भु पहारी, प्रा।डा। सुरेन्द्र शेरचन, प्रा।डा। राजेन्द्रप्रसाद साह, प्रा.डा. रमेशप्रसाद सिंह, प्रा.डा. जेएन पाण्डेय हिमाली, प्रा.डा. यहुनचन्द्र सिवाकोटी, प्रा।डा। तरुण पौडेल, प्रा.डा. प्रमोदकुमार सर्राफ, प्रा।डा। नीलमणि उपाध्याय र प्रा।डा। पारसकुमार पोखरेलको आवेदन परेको थियो ।

साउन २६ र २७ गते भएको प्रस्तुतीकरण, अन्तर्वार्तापछि ३ जनाको नाम सिफारिस गरिएको थियो ।

प्रतिक्रिया दिनुहोस्